Օգոստոսի 1-ից Ռուսաստանի հում նավթի արտահանման մաքսադրույքը տոննայի համար բարձրացել է մինչեւ 388,4 դոլար՝ հուլիսյան 385,2 դոլար գնի համեմատ, հաղորդում է ՌԴ Տնտեսության զարգացման նախարարությունը:

Արեւելյան Սիբիրի, Կասպյան, Պրիռազլոմյան վայրերի նավթի արտահանման արտոնյալ մաքսադրույքը օգոստոսի 1-ից տոննայի համար կկազմի 131,8 դոլար (հուլիսին այն կազմում է 189,4 դոլար):

Բարձր մածուցիկության նավթի արտոնյալ մաքսատուքը, որը կազմում է նավթի ընդհանուր մաքսադրույքի 10%-ը, բարձրացել է տոննայի համար մինչեւ 38.8 դոլար՝ անցյալ մսվա 38,5 դոլարի համեմատ:

Օգոստոսին բենզինի մաքսատուրքը 349,5 դոլար կկազմի՝ հուլիս ամսվա 346,6 դոլարի համեմատ:

Մի շարք մուգ եւ բաց նավթամթերքների արտահանման մաքսատուրքը, որը հաստատվել է նավի մաքսատուրքի 66 %-ի չափով, ընթացիկ օգոստոս ամսից տոննայի համար կկազմի 256,3 դոլար (նախկին գինը 254,2 դոլար):

Դիզելային վառելիքի մաքսատուրքը բարձրացել է տոննայի մինչեւ 252,4 դոլար (նախորդ ամիս գործում էր 250,3 դոլար գինը):

Հեղուկացված ածխաջրածնային գազի մաքսատուրքը օգոստոսի 1-ից բարձրացվել է տոննայի համար մինչեւ 147,4 դոլար՝ հուլիսին գործող 89,6 դոլար գնի համեմատ, հաղորդում է «Ռոսբալտը»: