«Իմեդի» վրացական հեռուստաընկերության լրագրող Սանդրո Գոչաշվիլին եւ օպերատոր Գեորգի Ցխելիշվիլին ձերբակավել են Բաքվի «Նեֆտչիի» եւ սաչխերսկի «Չիխուրի» ֆուտբոլային հավաքականների խաղից հետո:
Ինչպես հաղորդում է «Գրուզիա օնլայնը», ադրբեջանական իրավապահները ֆիզիկական ուժ են գործադրել օպերատորի նկատմամբ: Վրացի լրագրողները բաժանմունքում կես ժամ են անցկացրել:
«Խաղը վերջանալուն պես մենք՝ ես ու օպերատորը, դուրս ենք եկել մարզադաշտից, որտեղ փորձել ենք նկարել վրացի երկրպագուներին: Ադրբեջանցի իրավապահները ֆիզիկական ուժ են կիրառում նրանց հանդեպ, խլում դրոշները եւ հրում նրանց մեծ ոստիկանական ավտոբուսի մեջ: Երբ մենք նկարահանում էինք դեպքերը, ոստիկաններից մեկը հրամայեց ձերբակալել մեզ, մեզ հրեցին մեքենայի մեջ, իսկ օպերատորի նկատմամբ ֆիզիկական ուժ են գործադրեցին: Մեզանից խլեցին տեսախցիկը եւ բաժանմունք տարան: Իսկ այնտեղ միայն մի մասին են հարցրել՝ ով է «Հայաստան» գոչել: Իհարկե պատասխան չստացան: Մենք հարցրել ենք՝ ինչու են մեզ ձերբակալել եւ ինչու են ձերբակալել վրացի երկրպագուներին: Մեր կալանավորության շուրջ նրանք պատասխան չունեին, իսկ երկրպագուների հարցով՝ իբրեւ նրանք գոչել են «Հայաստան», ասացին՝ չէ որ դուք գիտեք, որ դա մենք չենք կարող տանել: Բաժանմունքում մենք մոտ կես ժամ ենք մնացել», - հայտարարել է Գոչաշվիլին: Նրա խոսքով՝ իրավապահները ոչնչացրել են մարզադաշտի սահմաններից դուրս բոլոր նյութերը:
haqqin.az Ադրբեջանի հանրապետության ՆԳՆ մամուլի ծառայության ղեկավարի հետ զրույցի ընթացքում Էխսան Զախիդովը հայտարարել է, որ «տվյալ տեղեկատվությոնը չի համապատասխանում իրականությանը եւ միայն վրացի լրագրողների հերյուրանք է»: