Հայաստանում տեղակայված ռուսական Հարավային ռազմական շրջանի ավիացիոն ռազմաբազայում երիտասարդ օդաչուներն անցել են գիշերային թռիչքների՝ ժամանակակից ՄիԳ-29 կործանիչներով:
2014թ. շրջանավարտների համար սրանք առաջին գիշերային թռիչքներ են ռազմական ինքնաթիռներով, որոնք անցկացվում են փորձառու մասնագետների ղեկավարությամբ:
Հարավային ռազմական շրջանի մամուլի ծառայության փոխանցմամբ, գիշերային թռիչքներից առաջ օդաչուները բժշկական հետազոտություն են անցել, բարձրլեռնային պայմաններում մեկ ամիս ամառային վերապատրաստման են մասնակցել մարտական կործանիչներով:
Ռազմական օդաչուների այս նախապատրաստման հիմնական խնդիրն է՝ բարձրացնել թռիչքային հմտությունները եւ պատրաստվել ՀՀ Պաշտպանության նախարարության հետ համատեղ ուսումնավարժանքներին: Դրանք անցկացվելու են օգոստոս-սեպտեմբերին, «Ալագյազ» եւ «Բաղրամյան» ուսումնամարզական համալիրներում: