Հայաստանի հատուկ ծառայությունների հետ համագործակցության մեջ մեղադրվող ադրբեջանցի իրավապաշտպան Լեյլա Յունուսը հանդես է եկել հայտարարությամբ:
Ինչպես հաղորդում է «minval.az»-ը, հայտարարության մեջ նշվում է.
«2014թ.-ի հունիսի 30-ին ինձ ու ամուսնուս՝ Արիֆին մեղադրել են կեղծ մեղադրանքներով մի շարք հանցագործություններում, մինչեւ անգամ հայրենիքի դավաճանություն: Այն ժամանակ էլ ինձ Քյուրդախանի մեկուսարան տեղափոխեցին: Օգոստոսի 5-ին ձերբակալեցին նրան, մեկուսարան տեղափոխեցին:
Ես շատ երկար եմ զբաղվել քաղաքական ձերբակալությունների խնդրով ու լավ գիտեմ ԱԱՆ տանջանքների մասին: Պարզ գիտակցում եմ որոշումը՝ ֆիզիկապես ոչնչացնել մեր ընտանիքը՝ Արիֆին ու ինձ:
2005թ.-ին Էլմար Հուսեյնովի սպանությունից հետո ինձ նախազգուշացրեցին, որ պատրաստում են իմ սպանությունը: Իհարկե, վախենում եմ: Սակայն, հավանաբար, ինձ սպանելու որոշումը փոխեցին. մենք տեղեկությունը հրապարակային դարձրեցինք: Սակայն այսօր՝ 2014թ.-ին Ադրբեջանում չափ չկա արյունալի բռնակալությանը:
Ես պարզ գիտակցում եմ՝ ինձ ու Արիֆին դաժանաբար տանջելու են մինչեւ մահ…
Թանկագին համախոհներ, խոսեք այս մասին: Բարձր խոսեք: Թող լսեն ու իմանան, թե ինչ արյունալի բռնակալություն է տիրում Ադրբեջանում՝ երկրում, որը նախագահում է Եվրոպայի Խորհրդում»:
Լեյլա Յունուսի իրավունքների պաշտպանության կոմիտեն այս կապակցությամբ նշում է, որ Արիֆ Յունուսի ձերբակալությունից հետ Յունուս ընտանիքի բարեկամները դիմեցին թույլտվության համար նրանց սնունդ ու դեղեր փոխանցել մեկուսարան: Դատախազության քննիչ Իբրահիմ Լեմբերանսկին ձգձգում է որոշումը: Միեւնույն ժամանակ դիաբետի ծանր տեսակից տառապող Լեյլա Յունուսի դեղերը վերջացել են, եւ եթե ժամանակին դրանք չհասցնեն, նրա վիճակը կարող է վատթարանալ:
