Այսօր Ազատ դեմոկրատներ կուսակցության գրասենյակում տեղի ունեցավ հանդիպում Հայաստանում Մեծ Բրիտանիայի դեսպան Քեթրին Ջեյն Լիչի եւ Ազատ դեմոկրատներ կուսակցության նախագահ Խաչատուր Քոքոբելյանի, կուսակցության վարչության անդամ Արմեն Առաքելյանի, վարչության անդամ եւ մամլո խոսնակ Անժելա Խաչատրյանի հետ։

Ազատ դեմոկրատներ կուսակցության լրատվական ծառայությունից հայտնում են, թե հանդիպման ընթացքում քննարկվեց ղարաբաղյան հիմնախնդրի կարգավորման ներկայիս իրավիճակը` մասնավորապես շփման գծում վերջին օրերին տիրող վիճակը, ինչպես նաեւ Հայաստանի ներքաղաքական եւ արտաքին քաղաքական հարցեր։

Երկուստեք կարեւորվեց ղարաբաղյան հիմնախնդրի խաղաղ կարգավորման գործընթացը ԵԱՀԿ Մինսկի խմբի շրջանակներում եւ Հայաստանի եվրոպական ինտեգրացիայի կարեւորությունն ու հնարավոր զարգացման հեռանկարները։