Վրաստանի նախկին նախագահ Միխայիլ Սահակաշվիլին կառավարության վարչություն է ուղարկել բյուջետային միջոցներով ձեռքբերված իր հանդերձարանի մի մասը: Այդ մասին հաղորդել է հանրապետության նախկին նախագահի մամուլի ծառայությունը:
Ծանրոցում գտնվել են կոստյումներ եւ քաշմիրից վերարկու:
Ինչպես հաղորդում են վրացական հեռուստաընկերությունները, օգոստոսի 19-ին՝ երեքշաբթի, առաքիչը կառավարության շենքի ընդունարանում թողել է հետեւյալ գրառմամբ ծանրոցը. «Պարոն Իվանիշվիլի, վերադարձնում եմ այն սեփական նախընտրությամբ օգտագործելու համար»:
Ընդունարանում հրաժարվել են ընդունել ծանրոցը՝ պատճառաբանելով, որ նրանք իրավունք ունեն ընդունել միայն պաշտոնական գրագրություններ: Այդուհանդերձ, առաքիչը ծանրոցը թողել է ընդունարանում:
Անցած շաբաթ Վրաստանի գլխավոր դատախազությունը Միխայիլ Սահակաշվիլիին մաղադրանք էր առաջադրել անձնական կարիքների համար պետական միջոցների վատնման մեջ: Պետության հաշվին վճարված անձնական ծառայությունների մեջ են ներառվել Լոնդոնում գնված 7 պիջակ եւ քաշմիրից սպորտային վերարկու՝ 28,6 հազար դոլարով, ինչպես նաեւ ձեռքի աշխատանքի երկու կոստյում՝ 4.6 հազար դոլար:
Բացի այդ, դատախազությունը մեղադրել է նախկին նախագահին բյուջետային միջոցների վատնման մեջ:
Քննչության տվյալներով՝ նախկին նախագահը մոտ 220 հազար դոլար է ծախսել:
Սահակաշվիլիին, մեղադրում են պետական պահպանության հատուկ ծառայության բյուջեից, ընդհանուր առմամբ, 8 մլն 837 հազար լարիի (ավելի քան 5 մլն դոլար) վատնման մեջ:
