Կարեն Դեմիրճյանի անվան մետրոպոլիտենի «Բարեկամություն» կայարանում այսօր՝ օգոստոսի 19-ին, ժամը 18:00-ի սահմաններում 2-2.5 տարեկան աղջիկ երեխայի ոտքը մնացել է շարժասանդուղքի տակ:
Ւնչպես NEWS.am-ին հայտնեցին Մետրոպոլիտենի մամուլի ծառայությունից, դեպքը տեղի է ունեցել ծնողի անուշադրության հետեւանքով:
«Երեխան վազվզել է, հետո մտել շարժասանդուղքի այն մասը, որը չի կարելի օգտագործել, եւ հենց այդ պահին շարժվել է այն: Անմիջապես փրկարար ծառայություն են կանչել, որն էլ կոտրել է շարժասանդուղքն եւ երեխային հանել միջից: Ամբողջ մեղավորը ծնողն է եղել»,- ասացին մամուլի ծառայությունից:
Երեխային տեղափոխել են թիվ 3 մանկական հիվանդանոց, որտեղից NEWS.am-ին հայտնեցին, որ երեխայի ոտքն է վնասվել, նրան պատրաստում են վիրահատության: