Էստոնիայի պաշտպանության նախարար Սվեն Միքսերը, մեկնաբանելով Գերմանիայի կանցլեր Անգելա Մերկելի ավելի վաղ արած հայտարարությունը, ասել է, որ ՆԱՏՕ-ի ներկայությունն Էստոնիայում անվիճարկելի փաստ է։
Օգոստոսի 18-ին Լատվիա այցի ընթացքում Մերկելը հատարարել էր, որ ՆԱՏՕ-ն Արեւելյան Եվրոպայում մշտական ստորաբաժանումներ չի տեղակայի, քանի որ դա կփչացնի Ռուսաստանի հետ հարաբերությունները։
Միքսերն իր հերթին նշել է, որ քաղաքական տեսանկյունից գերմանացիների համար կարեւոր է՝ ներկայությունը մշտական է, թե ոչ, սակայն սա չի փոխում այն փաստը, որ ՆԱՏՕ-ն ներկա եւ եւ կմնա Էստոնիայում, փոխանցում է DELFI-ն։
Նախարարը նաեւ հիշատակել է այն լուրը, որ ՆԱՏՕ-ն նաեւ մտադիր է Լեհաստանում շտաբ հիմնել. Նորվեգիայում՝ պահեստամասերի պահեստ։
«Էստոնիայի անվտանգությունը կօգնի ամրապնդել նաեւ հարեւան երկրներում ու տարածաշրջանում դաշնակիցների ավելի լուրջ ներկայությունը»,- ընդգծել է նա։
Միքսերը նշել է, որ Էստոնիայի նպատակը մնում է դաշնակիցների ներկայությունն ավելացնելը։
«Գարնանից սկսած, դաշնակիցները Էստոնիային ցամաքային զորքեր, կործանիչներ եւ նավեր են հանձնել։ Բոլորովին վերջերս ԱՄՆ-ն հայտարարեց, որ Էստոնիա, Լատվիա, Լիտվա եւ Լեհաստան կուղարկի ստորաբաժանումներ, որոնք կունենան ծանր տեխնիկա։ Այս ամենը նշանակում է, որ ՆԱՏՕ-ն արդեն ներկա է Էստոնիայում»,- ընդգծել է պաշտպանության նախարարը։