ԵԽԽՎ-ի Հայաստանի հարցով համազեկուցողներ Աքսել Ֆիշերը եւ Ալան Միլը կմասնակցեն Մոնիտորինգային կոմիտեի նիստին, որը նշանակված է սեպտեմբերի 3-ին, հայտնում է ԵԽԽՎ-ի կայքը:
Կդիտարկվեն համազեկուցողների հունիսի 16-18-ին Հայաստան կատարած այցի արդյունքում ներկայացրած տվյալները:
Հիշեցնենք, այցի ընթացքում համազեկուցողները հանդիպել էին ՀՀ նախագահի, ԱԺ նախագահի եւ վարչապետի հետ: Նրանք նաեւ հանդիպել էին քաղաքական կուսակցությունների եւ դատական իշխանությունների, ինչպես նաեւ ոչ կառավարական կազմակերպությունների ներկայացուցիչների ու ԵԽԽՎ-ում Հայաստանի պատվիրակության անդամների հետ: