Այս անգամ հայկական գինին կարող է ամրապնդվել Ռուսաստանի շուկայում: Այդ մասին այսօր՝ օգոստոսի 20-ին, լրագրողներին հայտարարեց Հայաստանի հայրենական արտադրողների միության նախագահ Վազգեն Սաֆարյանը՝ մեկնաբանելով ռուսական շուկայում հայկական ապրանքների հեռանկարները՝ կապված Արեւմուտքից պարենի ներմուծման պատժամիջոցների հետ:
«Մի քանի տարի առաջ, վրացական գինու արգելքից հետո, հայ գինեգործները չեն կարողացել լրացնել ռուսական շուկայում այս բացը: Սակայն այժմ դրա համար կարող են նոր հնարավորություններ առաջանալ՝ հաշվի առնելով, որ Հայաստանն ունի միջին գնային հատվածի գինի, որտեղ դիրքավորվում են եվրոպական արտադրողները», - հայտարարել է Սաֆարյանը: