Վերին Լարսի անցակետում մնացած հայկական մրգերն ու բանջարեղենը իրենց պիտանելիության ժամկետների սահմաններում են: Այդ մասին NEWS.am-ի թղթակցի հետ զրույցի ժամանակ հայտարարեց «Սպայկա» ԲԲԸ-ի նախագծերի կառավարման բաժնի պետ Կարեն Բաղդասարյանը:
Բաղդասարյանի խոսքով՝ այն մեքենաները, որոնք դեռ չեն հասնել Վերին Լարս, հետ են շրջվել, իսկ նոր ուղարկումները ընկերությունը դադարեցրել է: «Խցանումների մեջ հայտնված մեքենաներում եղած մրգերն ու բանջարեղենը դեռ իրենց պիտանելիության ժամկետների սահմաններում են՝ 10-20 օր: Մենք մեր ռուս գործընկերներին տեղեկացրել ենք առաքման դժվարությունների մասին, սակայն ֆորս-մաժորի պատճառով մատակարարումների ընդհատման մասին խոսք դեռեւս չի եղել», եզրափակեց Բաղդասարյանը:
Նշենք, որ այսօր Հայաստանի տրանսպորտի փոխնախարար Արթուր Առաքելյանը հայտարարեց, որ այժմ սողանքի պատճառով մայրուղին փակ է:
