«Հայ ազգային կոնգրես» խմբակցության պատգամավոր, նախկին վարչապետ Հրանտ Բագրատյանը առաջարկում է, որ հետայսու ակցիզով հարկվի միայն հեղուկը, այլ ոչ թե հեղուկից բացի նաեւ շիշը, պիտակը եւ այլն: Այս մասին նա գրել է Facebook-ի իր էջում:
Նա մասնավորապես նշել է, որ ԱԺ Նախագահի անունով գրությամբ ներկայացրել է եւս 2 օրենսդրական նախաձեռնություն: «Առաջինն այն մասին է, որ հետայսու բոլոր առեւտրային բանկերը պետք է լինեն բաց բաժնետիրական ընկերության կարգավիճակով։ Բանկերին ժամանակ է տրվում վերագրանցվելու համար։ Երկրորդով փոփոխությունններ են մտցվում ակցիզային հարկի մասին օրենքում ալկոհոլային խմիչքների մասով։ Առաջարկվում է, որպեսզի հետայսու ակցիզով հարկվի միայն հեղուկը, այլ ոչ թե հեղուկից բացի նաեւ շիշը, պիտակը եւ այլն։ Բացի դա, իջեցվում է գինու ակցիզը եւ բարձրացվում օղու ակցիզը։ Այնուամենայնիվ, մենք խաղողի ու գինու երկիր ենք, այդտեղ է մեր համեմատական առավելությունը։ Այ 2 օրենքով հանդերձ 2 տարում ԱԺ եմ ներկայացրել 15 օրենքի նախագիծ (խոտացված 50-ից)։ Այս պահի դրությամբ կառավարությունը 11-ը մերժել է»,-գրել է նա: