«ՎՏԲ-Հայաստան բանկ» ՓԲԸ-ն ընդլայնում է համագործակցությունը Beeline-ի հետ` առաջարկելով ՎՏԲ-Հայաստան Բանկում քարտային կամ բանկային հաշիվ ունեցող իր հաճախորդներին Beeline-ի գրասենյակներում բջջային կապի հետվճարային համակարգի, ֆիքսված հեռախոսակապի եւ ինտերնետի ծառայությունները ձեւակերպելիս նաեւ ձեւակերպել «ՎՏԲ-Հայաստան Բանկ» ՓԲԸ պարբերական վճարման հանձնարարագիր:
Նշված ծառայությունը թույլ կտա ՎՏԲ-Հայաստան Բանկի հաճախորդներին մարել ամենամսյա բաժանորդային պարտքը հաճախորդի կողմից ընտրված ամեն ամսվա N օրը առանց բանկի մասնաճյուղ այցելելու վերջինիս հաշվից բաժանորդային պարտքի գումարի ավտոմատ հաշվեգրման միջոցով:
Տվյալ ծառայությունն ակտիվացնելու համար հաճախորդին անհրաժեշտ է բջջային կապի հետվճարային համակարգի, ֆիքսված հեռախոսակապի եւ ինտերնետի ծառայությունները ձեւակերպելիս Beeline-ի գրասենյակներում լրացնել համապատասխան դիմումը` նշելով ՎՏԲ-Հայաստան Բանկում գործող իր բանկային կամ քարտային հաշվեհամարը, պարտքի գումարի նախընտրելի չափը, ինպես նաեւ ավտոմատ վճարման ենթակա ծառայությունները:
Հաճախորդները կարող են նաեւ նախապես տեղեկացվել իրենց բաժանորդային պարտքի գումարի չափի մասին ՎՏԲ-Հայաստան Բանկի կողմից ամեն ամիս ուղարկվող SMS հաղորդագրության միջոցով:
«Սպասարկման հեռակառավարվող տեխնոլոգիաների զարգացման գործում ունեցած ներդրումը թույլ է տալիս ուղղել հաճախորդների հոսքը վճարումեր ընդունող հաստատություններից դեպի հաճախորդների համար առավել հարմարավետ սպասարկման ձեւեր: “Արմենտել”-ի հետ համագործակցությունը թելադրված է պարբերական հանձնարարականի միջոցով բջջային օպերատորի վճարումների ծառայությունները բարելավելու ձգտումով, ինչը իր հերթին թույլ կտա բանկի հաճախորդներին խնայել վճարումների վրա ծախսվող ժամանակը»,-ասել է ՎՏԲ-Հայաստան Բանկի Գխավոր տնօրեն-Տնօրինության նախագահ Յու. Գուսեւը:
Իր հերթին, Հայաստանում Beeline-ի Գլխավոր տնօրեն Անդրեյ Պյատախինն ընդգծել է. «Աշխատելով «Պարզ, հարմար քեզ համար» կարգախոսի ներքո` մենք ձգտում ենք առավելագույնս պարզեցնել եւ ավելացնել Beeline-ի ծառայությունների օգտագործման հարմարավետությունը: Այդ նպատակով մենք ընդլայնում ենք համագործակցությունը մեր գործընկերների հետ եւ ուրախ ենք, որ ի շնորհիվ ՎՏԲ-Հայաստան Բանկի համատեղ ջանքերի Beeline ծառայությունների վճարումը դառնում է ավելի պարզ եւ հարմար, քանի որ SMS հաղորդագրությունների ավտոմատացված համակարգը ժամանակին կտեղեկացնի հաճախորդին նախատեսվող բաժանորդային պարտքի գումարի մասին»:
Դիմումը ձեւակերպելու համաեւ ֆիզիկական անձանց անհրաժեշտ կլինի ներկայացնել անձնագիր եւ հայտնել իրենց բանկային կամ քարտային հաշվեհամարը: Վճարման հանձնարարականի ձեւակերպման պայմանների մասին լրացուցիչ տեղեկություն կարելի է ստանալ` զանգահարելով ՎՏԲ-Հայաստան Բանկի միասնական տեղեկատվական ծառայության 8787 հեռախոսահամարով, այցլելելով բանկի պաշտոնական կայք, կամ դիմելով մոտակա Beeline վաճառքի եւ սպասարկման գրասենյակներ: