ԱՄՆ-ի տվյալով՝ Ռուսաստանն Ուկրաինա է ուղարկել տանկերի, զրահամեքենաների եւ հրթիռների մեկնարկային սարքավորումների նոր շարասյուներ:
Երեկոյան ԱՄՆ պետքարտուղարության տարածած հաղորդագրությունում նշված է, որ ռուսական զորամիավորումներ են հայտնաբերվել Ուկրաինայում՝ սահմանից 50 կմ այն կողմ: Այլ մանրամասներ չեն նշվում, հայտնում է Deutsche Welle-ի ռուսական ծառայությունը՝ վկայակոչելով dpa-ն:
Ճեպազրույցի ժամանակ ԱՄՆ-ի Պետդեպի պաշտոնական ներկայացուցիչ Ջեն Պսակին մտահոգություն է հայտնել այն կապակցությամբ, որ Դոնեցկի եւ Լուգանսկի շրջանում ռուսամետ ակտիվիստներ, ամենայն հավանականությամբ, հակահարձակման են անցել, որն ուղղորդում է Ռուսաստանը: