Թուրքիայի նորընտրիր նախագահ Ռեջեփ Թայիփ Էրդողանի երդմնակալության արարողությանը կմասնակցի նաեւ հայկական համայնքի մի քանի ներկայացուցիչ: Այս մասին NEWS.am-ին ասաց Ստամբուլում հրատարակվող «Ժամանակ» թերթի խմբագիր Արա Գոչունյանը:
«Ամբողջ Թուրքիան կենտրոնացած է այս արարողության վրա, հայկական համայնքը նույնպես անմասն չի մնացել այս իրադարձությունից. մեզնից մի քանի ներկայացուցիչ ներկա կլինի երդմնակալության արարողությանը: Հայկական համայնքը նաեւ մեծ ուշադրությամբ է հետեւում այս ամենին, քանի որ մեր արտգործնախախար Էդվարդ Նալբանդյանն էլ է Անկարայում: Իհարկե, Թուրքիայի համար սա կարեւոր իրադարձություն է, բայց չի կարելի ասել, թե տոնական տրամադրություն է այստեղ»,- ասաց նա:
Նշենք, որ Էրդողանը վարչապետ էր 2003թ.-ից ու այլեւս իրավունք չուներ առաջադրվել կառավարության ղեկավարի պաշտոնում։ Նա հաղթեց Թուրքիայի պատմության մեջ նախագահական առաջին ուղիղ համընդհանուր ընտրությունների առաջին փուլում՝ ստանալով ձայների 52%-ը։ Նա օգոստոսի 28-ին պաշտոնապես կստանձնի երկրի նախագահի լիազորությունները:
