Ուկրաինայի վարչապետ Արսենի Յացենյուկը արեւմտյան գործընկերներին է դիմել ՄԱԿ-ի ԱԽ շտապ նիստ հրավիրելու խնդրանքով, որպեսզի քննարկեն Ուկրաինայի արեւելքում Ռուսաստանի գործողությունները: Այս մասին նա հայտարարել է Ուկրաինայի կառավարության եւ Ուկրաինացիների համաշխարհային կոնգրեսի միջեւ համագործակցության հուշագիր ստորագրելիս, փոխանցում է ՈՒՆՆ-ն:
«Անհրաժեշտ եմ համարում, որ մեր արեւմտյան գործընկերները ՄԱԿ-ի անվտանգության խորհրդի արտակարգ նիստ հրավիրեն: Ռուսաստանն էապես ավելացրել է ռազմական ներկայությունն Ուկրաինայում», - նշել է նա:
Վարչապետը հավելել է, որ արտակարգ հանդիպումներ պետք է կայանան նաեւ ԵԱՀԿ-ում եւ ԵՄ-ում՝ անդամ երկրների արտգործնախարարների մակարդակով:
