Ուկրաինան ԱՄՆ-ին խնդրում է ՆԱՏՕ-ից դուրս հատուկ դաշնակցի կարգավիճակ շնորհել իրեն: Այս մասին Ուկրաինայի Ազգային անվտանգության եւ պաշտպանության խորհրդի (ԱԱՊԽ) արտակարգ նիստից հետո հայտարարել է խորհրդի քարտուղարի տեղակալ Միխայիլ Կովալը:
«Մեր պետությունն ԱՄՆ-ի օգնության հույս ունի, մասնավորապես, ՆԱՏՕ-ից դուրս Միացյալ Նահանգների հիմնական դաշնակցի հատուկ կարգավիճակի տրամադրման ճանապարհով»,- Կովալի խոսքերն է մեջբերում ՌԻԱ Նովոստին:
Ուկրաինայի հարավ-արեւելյան շրջաններում զանգվածային հակակառավարական ակցիաները սկսվել են 2014թ. փետրվարի վերջին: Դրանք տեղի բնակիչների պատասխանն էին երկրում բռնի ուժով կատարված իշխանափոխությանը եւ դրա արդյունքում ռուսերենին տարածաշրջանային լեզվի կարգավիճակի շնորհման մասին օրենքի՝ Գերագույն Ռադայի ձեռնարկած փորձին: Կիեւի իշխանություններին ընդդիմացող ռուսամետ քաղաքացիների կենտրոն է դարձել Դոնբասը:
