Ռուսաստանի նախագահ Վլադիմիր Պուտինը Ուկրաինայի արեւելքում տեղի ունեցող գործողությունները համեմատել է երկրորդ աշխարհամարտի ժամանակ Լենինգրադի եւ այլ քաղաքների գնդակոծությունների հետ:
«Ուկրաինայի հարավ-արեւելյան եւ փոքր բնակավայրերը, եւ խոշոր քաղաքները, շրջապատված են ուկրաինական բանակի կողմից, որը ուղղակիորեն հարվածում է բնակելի թաղամասերի ուղղությամբ՝ ենթակառուցվածքները կաթվածահար անելու, դիմադրողների կամքը ճնշելու եւ այլ նպատակներով: Որքան էլ տխուր է, սա ինձ հիշեցնում է Երկրորդ համաշխարհային պատերազմի իրադարձությունները, երբ գերմանաֆաշիստական օկուպանտները շրջափակել էին քաղաքները, մասնավորապես Լենինգրադը, եւ հարվածում էին բնակավայրերի ու բնակիչների ուղղությամբ», - «Սելիգեր-2014» Համառուսական երիտասարդական ֆորումին հայտարարել է Պուտինը: