Կիեւում ձերբակալվել են Ռուսաստանի դեսպանատան աշխատակիցները: Այդ մասին հաղորդվում է Ռուսաստանի ԱԳՆ-ի կայքում:
Արտգործնախարարության հայտարարությամբ՝ օգոստոսի 28-ին ուկրաինական մայրաքաղաքում ոստիկանությունը դեսպանատան պահակախմբի մի քանի աշխատակիցների, այդ թվում՝ դեսպանի անձնական թիկնապահին ձերբակալել է:
«Չնայած աշխատակիցների կողմից ներկայացված դիվանագիտական անձնագրերին, նրանք ձերբակալվել են սրճարանից դուրս գալիս՝ մտացածին պատրվակով. իբրեւ թե նրանց մոտ նռնակներ են հայտնաբերվել: Պնդում ենք դեսպանատան աշխատակիցների անհապաղ ազատ արձակում եւ դիվանագիտական անձեռնմխելիության մասին միջազգային համաձայնագրերի խախտումների հետայսու անթույլատրելիություն» - ասվում է հաղորդագրության մեջ:
