Սիերա-Լեոնեի նախագահ Էռնեստ Կորոման աշխատանքից ազատել է առողջապահության նախարար Միյատ Կարգբոյին։
Պետության ղեկավարի գրասենյակի հաղորդագրությունում որոշումը հիմնավորում են «համաճարակին արդյունավետ հակազդելու համար բարենպաստ պայմաններ ստեղծելու ցանկությամբ»։
Փաստաթղթում ասված է, որ Միյատ Կարգբոյին առողջապահության նախարարի պաշտոնում կփոխարինի Աբուբաքար Ֆոթանահը, փոխանցում է ԻՏԱՌ-ՏԱՍՍ-ը։
Առողջապահության համաշխարհային կազմակերպության տվյալով՝ էբոլայի զոհերի թիվը հասել է 1,5 հազ, մարդու, եւս 3 հազարը հիվանդացել են։
Մահացու ելքով ամենաշատ դեպքերը Լիբերիայում են, որտեղ արդեն 694 մարդ է մահացել։
Գվինեայում, որտեղ համաճարակը սկսվել էր 8 ամիս առաջ, մահացել է 430 մարդ, Սիերա-Լեոնեում՝ 422, Նիգերիայում՝ 6։