Ամերիկյան «Apple» ընկերության նոր արտադրանքը՝ «iWatch» ժամացույցը վաճառքում կհայտնվի 2015թ.-ի կզբին: Այդ մասին ուրբաթ իր կայքում հայտնել է «Financial Times» թերթը:
Հունիսին «Los Angeles Times» թերթը գրում էր, որ սեպտեմբերի 9-ին հանրությանը ներկայացվող «iWatch» ժամացույցի վաճառքը կարող է մեկնարկել արդեն 2014թ.-ի հոկտեմբերին: Ամերիկյան պարբերականի տվյալների համաձայն՝ ԱՄՆ-ի շուկայում գաջեթի արժեքը կտատանվի 199-299 դոլարի սահմաններում, հաղորդում է ԻՏԱՌ-ՏԱՍՍ-ը:
Դրա հետ մեկտեղ, ինչպես գրում է «Financial Times»-ը, «մարդիկ, ովքեր ծանոթ են «Apple»-ի ծրագրերին, հայտարարում էին, որ սարքը վաճառքում կհայտնվի 2015թ.-ի սկզբից ոչ շուտ»: Ամերիկյան ընկերության մշակած «խելացի ժամացույցը» առեւտրի ցանցում չի հայտնվի նախաամանորյա վաճառքի շահութաբեր շրջանում, նշում է բրիտանական թերթը:
«Financial Times»-ը նաեւ գրում է, որ իր տվյալների համաձայն, գաջեթը, որը փորձագետների մոտ ստացել է «iWatch» անվանումը, ամենայն հավանականությամբ այլ անվամբ կհայտնվի վաճառքում:
«Խելացի ժամացույցը» յուրատեսակ համակարգիչ է: Փորձագետների կանխատեսումների համաձայն՝ «iWatch»-ն աշխատելու է «HealthKit» եւ «HomeKit» հարթակնեով: Դրանցից առաջինը թույլ կտա սարքի տերերին հետեւել զարկերակին ու արտերիալ ճնշմանը, ինչպես նաեւ վերահսկել ֆիզիկական ծանրաբեռնվածությունը մարզվելիս: Երկորդը թույլ կտա փոխգործակցել կենցաղային սարքերի հետ, օրինակ « AppleTV »-ի հետ: