Գերմանիայի կանցլեր Անգելա Մերկելը բացառել է Ուկրաինա գերմանական զենքի մատակարարման հնարավորությունը:
Օգոստոսի 31-ի գիշերը Բրյուսելում Եվրամիության գագաթաժողովի ավարտին Գերմանիայի կառավարության ղեկավարը պարզաբանել է. Կիեւին զենք մատակարարելը «տպավորություն կստեղծի, թե ուկրաինական հակամարտությունը հնարավոր է ռազմական ճանապարհով լուծել»: Ընդ որում, նա հավելել է, որ նման որոշումը ճիշտ չի համարում, իսկ Գերմանիայի դիրքորոշումն այդ հարցում չի փոխվի սեպտեմբերի 4-ին եւ 5-ին Ուելսում անցկացվելիք ՆԱՏՕ-ի գագաթաժողովում: Այս մասին հաղորդում է «Deutsche Welle»-ի ռուսական ծառայությունը:
Լիտվայի նախագահ Դալյա Գրիբաուսկայտեն նախկինում կոչ էր անում օգնել ուկրաինացի ուժայիններին զենքով՝ երկրի արեւելքում անջատողականների դեմ պայքարում հաղթանակի համար: Նրա խոսքով՝ ռազմական օգնությունն անհրաժեշտ է, քանի որ «Ուկրաինան այժմ պատերազմ է վարում հանուն Եվրոպայի»: Միաժամանակ, Գերմանիայի պաշտպանության նախարար Ուրսուլա ֆոն դեր Լյայենը հետ էր պահում ուկրաինական հակամարտությանն Արեւմուտքի ռազմական միջամտությունից:
«Արեւմուտքի համար փորձությունը կայանում է նրանում, որպեսզի դիվանագիտության եւ տնտեսական ճնշման միջոցով ստիպի Ռուսաստանին զիջումների գնալ»,- հայտարարել է նա: Գերմանիայի պաշտպանության նախարարի կարծիքով՝ ռազմական միջոցների կիրառումը սպառնում է Ռուսաստանի հետ պատերազմով: