Իսրայելում գործող «Նոյան Տապան» մշակութային եւ կրթական հայկական կենտրոնը Հայոց ցեղասպանության 100-ամյա տարելիցի կապակցությամբ մեկնարկել է «Մեկ մոմ՝ մեկ հոգի» ակցիա-էստաֆետան: Այդ մասին NEWS.am-ի թղթակցի հետ զրույցի ժամանակ հայտարարեց Իսրայելում «Նոյան Տապան» հայկական մշակութային կենտրոնի մամուլի քարտուղար Մենդել Կորսունսկին:
Կորսունսկու խոսքով՝ ակցիայի մասնակիցները Օմանյան Թուրքիայում Հայոց ցեղասպանության զոհերի հիշատակին մեկական մոմ կվառեն եւ ուղերձը կփոխանցեն 5 մայրցամաքների իրենց ընկերներին՝ կոչ անելով ճանաչել Հայոց ցեղասպնաությունը եւ դատապարտել այն: Կորսունսկին նաեւ նշել է, որ «Մեկ մոմ՝ մեկ հոգի» ակցիային կարող են մասնակցել ոչ միայն հայերը, այլեւ բոլոր ցանկացողները:
Առաջին համաշխարհային պատերազմի ընթացքում Թուրքիան հայերին մեղադրել է Ռուսատանին աջակցելու մեջ եւ դա որպես առիթ օգտագործել՝ ողջ հայ բնակչությունը երկրի ներքին թշնամի հայտարարելու համար: 191-1923թթ իրադարձությունները շատ պատմաբանների կողմից որակվում են՝ որպես պետության կողմից աջակցվող զանգվածային սպանություն՝ ցեղասպանություն:
Հայ ժողովրդի ցեղապանության փաստը շատ երկրների կողմից է ճանաչվել: Առաջինը Հայոց ցեղասպանությունը ճանաչել է Ուրուգվայը, վերջինի օրինակին են հետեւել Ռուսաստանը, Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյացարիան, Հունաստանը Կիպրոսը, Լիբանանը, Կանադան, Վենեսուելան, Արգենատինան եւ ԱՄՆ-ի 42 նահանգներ: Հայոց ցեղասպանությունը ճանաչել են նաեւ Վատիկանը, Եվրախորհրդարանը, Եկեղեցիների համաշխարհային խորհուրդը:
