Երեւանի Գ. Նժդեհի փողոցի թիվ 27/2 շենքի բակում կայանված «Երազ» մակնիշի 75 UV 075 համարանիշի ավտոմեքենայի գազի բալոնը այսօր՝ սեպտեմբերի 1-ին, ժամը 18։22-ին պայթել է, որի հետեւանքով մահացել է մետաղի ջարդոնի ընդունման կետի աշխատակիցը, մյուսն էլ մարմնական վնասվածքներով տեղափոխվել է հիվանդանոց:

Ականատեսները NEWS.am-ի թղթակցին պատմեցին, որ մետաղի ջարդոնի ընդունման կետի աշխատակիցները փորձել են մետաղի ջարդոնը դուրս բերել մեքենայից, մետաղի կտորն ընկել է մեքենայի մեջ տեղադրված գազի բալոնի վրա, եւ պայթյուն է որոտացել:

«Բերել են, որ մետաղ հանձնեն, ապրանքը վերցնելուց բալոնի վրա ինչ-որ բան է ընկել, մեկը մահացել է, մյուսին էլ տեղափոխել են հիվանդանոց»,-NEWS.am-ին ասաց դեպքի կանատեսներից մեկը՝ նշելով, որ մահացողը մոտ 60 տարեկան տղամարդէ:

NEWS.am-ի թղթակիցը հաղորդում է, որ պայթած մեքենան մետաղի ջարդոնի է վերածվել: Մահացածի անունը դեռ չի հաղորդվում։ Դեպքի վայրում են ԱԻՆ, ոստիկանության աշխատակիցները, Շտապօգնության մեքենաներ։