«Apple» ընկերությունը կարգավորել է «Գտնել իմ iPhone-ը» ծառայության մեջ գոյություն ունեցող խափանումները, որի օգնությամբ հաքերները կարող էին օգտատերերի անձնական էջերի մուտք ունենալ, այդ թվում՝ հայտնի անձանց սկանդալային մերկ լուսանկարների: Այս մասին գրում է «Gazeta.ru»-ն՝ վկայակոչելով «ZDNet» կայքին:
Օգոստոսի 31-ին անանուն «4chan» կայքի օգտատերերից մեկը հայտարարել էր, որ «iCloud» էջերի շուրջ 100 հայտնի մարդկանց լուսանկարի մուտք է ստացել, այդ թվում՝ Ջենիֆեր Լոուրենսի, Արիանա Գրանդեի, Քեյթ Ափթոնի եւ Ռիհանայի: Դրանից մեկ օր առաջ «AppleID»-ի գաղտնաբառը ներբեռնվել էր «GitHub» կայքում: Գաղտանաբառն օգտագործել է «Find My iPhone» ծրագրի խոցելիությունը, որի հետեւանքով հաքերները կարողացել են գտնել էջի գաղտնաբառը:
Այս գործիքի կիրառման համար հաքերներից պահանջվել է իմանալ էջի օգտատիրոջ անունը, սակայն դրա դերում օգտատիրոջ էլեկտրոնային փոստի հասցեն է, որը, որպես կանոն, այդքան էլ չեն թաքցնում:
Հայտնի չէ, թե ինչպես են կոտրվել հոլիվուդյան աստղերի էջերը, սակայն «ZDNet»-ը նշում է, որ այդ երկու իրադարձությունների միջեւ կապը շատ հավանական է: Այս պահին խափանումը կարգավորված է, նման եղանակով գաղտանաբառ հավաքելու փորձը «Apple»-ն արգելափակում է: