Լեհաստանում, ի պատասխան Ուկրաինայի ռազմական գործողությունների, նախաձեռնել են Ազգային գվարդիայի կազմակերպումը, հաղորդում է UNN-ը՝ վկայակոչելով «Լեհական ռադիոյին»:
Հաղորդագրության համաձայն, Ազգային գվարդիան կլինի ոչ պետական կազմակերպություն, որի նպատակը բնակիչների մարզումն է՝ պետության պաշտպանության շահերից ելնելով:
Գաղափարի հեղինակները կարծում են, որ լեհերը չգիտեն՝ ինչպես իրենց պահել պատերազմի կամ տարերային աղետների ժամանակ:
Շչեցին շրջանի Ազգային գվարդիայի կազմակերպիչները միջազգային ոչ կառավարական եւ հայրենասիրական կազմակերպությունների հետ սերտ համագործակցություն են ակնկալում: