Թբիլիսին չի փոխի Մոսկվայի հետ հարաբերությունների ուղղությունը, որոնք, Ուկրաինայի իրավիճակով պայմանավորված, լուրջ դժվարությունների են բախվել: Այդ մասին հայտարարել է Վրաստանի նախագահ Գեորգի Մարգվելաշվիլին:
«Բարդությունների պատճառով մեր բարեկամ եւ գործընկեր Ուկրաինան, այսօր Ռուսաստանի հետ հարաբերությունների գործընթացում դժվարությունների առաջ է կանգնած, սակայն դա չի նշանակում, որ Ռուսաստանի հետ մեր հարաբերությունների ուղղությունը կփոխվի: Քաղաքական կուրսն ուղղված է Ռուսաստանի հետ լարվածության նվազեցմանը, ուղղության փոփոխությունը չպետք է կախված լինի րոպեական խնդիրներից», - ասել է Մարգվելաշվիլին «Մաեստրո» վրացական հեռուստաընկերությանը տված հարցազրույցի ժամանակ:
Ընդ որում նա նշել է, ո Վրաստանի իշխանությունների համար սկզբունքային է տարածքային ամբողջականությունը:
«Մեր ունենք սկզբունքային թեմաներ. տարածքային ամբողջականություն եւ ինքնիշխանություն, եւ մեկ դրական ուղերձ, որ ժողովրդավարական ու կայուն Վրաստանը վտանգավոր չէ Ռուսաստանի համար», - ընդգծել է քաղաքական գործիչը:
Վրաստանի նախագահի խոսքով՝ Ռուսաստանի հետ հարաբերությունները «չեն լուծվի ոչ մեկ օրվա ընթացքում, եւ ոչ էլ՝ մեկ շաբաթվա»:
Ընդ որում, նա նշել է, որ պաշտոնական Թբիլիսիի հռետորաբանությունը չպետք է ավելի խիստ լինի, քան եվրոպական եւ ամերիկյան գործընկերներինը:
