Մոսկվայում կլանավորված ռուսաստանաբնակ հայ գործարար Լեւոն Հայրապետյանին քաղաքացիական հիվանդանոց էին տեղափոխել մեկօրյա բուժզննում իրականացնելու համար:
Ինչպես NEWS.am-ը տեղեկանում է «Ի պաշտպանություն Լեւոն Հայրապետյանի» միասնական շտաբից, Հայրապետյանին այնուհետեւ նորից տեղափոխել են «Մատրոսկայա տիշինա» մեկուսարան:
Նշենք, որ հայ գործարարին քաղաքացիական հիվանդանոց էին տեղափոխել սեպտեմբերի 1-ի երեկոյան:
Հիշեցնենք, որ հուլիսի 24-ին Ռուսաստանի Դաշնության Քննչական կոմիտեն «Բաշնեֆտ» ընկերության բաժնետոմսերը հափշտակելու եւ անօրինական ճանապարհով ստացված գումարները յուրացնելու մեջ կասկածվող հայ գործարար Լեւոն Հայրապետյանին մեղադրանքներ է առաջադրել ՌԴ քրեական օրենսգրքի 160-րդ (յուրացում կամ վատնում) եւ 174-րդ (անօրինական ճանապարհով ձեռք բերված միջոցների լվացում) հոդվածներով:
