Մոսկվայում կալանավորված ռուսաստանաբնակ հայ գործարար Լեւոն Հայրապետյանը քաղաքացիական հիվանդանոցում անալիզներ է հանձնել:
NEWS.am-ի տեղեկություններով՝ հայ գործարարը ենթարկվել է հետազոտության, որից հետո նրան նորից տեղափոխել են կալանավայր: Չնայած համալիր հետազոտություններին՝ Լեւոն Հայրապետյանի մոտ ոչ մի փոփոխություն չկա, նրա վիճակը շարունակում է ծանր մնալ:
Նշենք, որ հայ գործարարին քաղաքացիական հիվանդանոց էին տեղափոխել սեպտեմբերի 1-ի երեկոյան:
Հիշեցնենք, որ հուլիսի 24-ին Ռուսաստանի Դաշնության Քննչական կոմիտեն «Բաշնեֆտ» ընկերության բաժնետոմսերը հափշտակելու եւ անօրինական ճանապարհով ստացված գումարները յուրացնելու մեջ կասկածվող հայ գործարար Լեւոն Հայրապետյանին մեղադրանքներ է առաջադրել ՌԴ քրեական օրենսգրքի 160-րդ (յուրացում կամ վատնում) եւ 174-րդ (անօրինական ճանապարհով ձեռք բերված միջոցների լվացում) հոդվածներով:
