Անհասկանալի է՝ ինչպե՞ս կարելի է գրավել Իրանի հետքրքրությունը մեր երկաթուղով, երբ Ադրբեջանն իրենն արդեն ավարտում է: Այդ մասին այսօր՝ սեպտեմբերի 3-ին, լրագրողներին հայտարարեց տնտեսագետ, Հայ ազգային կոնգրեսի անդամ Վահագն Խաչատրյանը:
Դեպի հարավ ներկայումս գործող երկու տրանսպորտային միջանքները՝ ճանապարհային (Հյուսիս-Հարավ մայրուղի) եւ երկաթուղային, (Սեւանի ափից մինչեւ իրանական սահման 304 կմ-անոց տարածք) Խաչատրյանը ներկայիս պայմաններում հեռանկարանային չի համարում:
«Այդ նույն՝ Հյուսիս-Հարավ մայրուղին սկսում են կառուցել Երեւանից՝ աշխատելով Արտաշատի եւ Աշտարակի ամենաբարեհաջող ճանապարհամասերին, հավելեց Խաչատրյանը: «Ավելի լավ չէ՞ր լինի կառուցումը սկսել հյուսիսային եւ հարավային սահմանին զուգահեռ եւ վերջում հասնել Երեւանին: Այդ դեպքում մարդիկ կհավատային, որ նախագիծը լուրջ է», - հավելեց Խաչատրյանը:
Երկաթուղու հարցով դեռ նորություններ չկան, եւ Հայաստանի իշխանությունները չեն պատրաստվում կազմակերպել դրա կառուցումը: «Դրա փոխարեն նրանք հանգիստ կերպով դիտում են՝ ինչպես Ադրբեջանը, ժամանակ չկորցնելով, ավարտում է իր ճանապարհը», - հավելեց Խաչատրյանը:
Հիշեցնենք, որ Կազվին-Ռեշտ-Աստարա երկաթուղին կառուցվում է 2006թ.-ից եւ պետք է բացվեր 2013թ. դեկտեմբերին: Իրանի Տրանսպորտի վարչության ենթակառուցվածքի զարգացման ընկերության փոխտնօրեն Հուսեին Նարդարը այդ ժամանակ հայտաարել էր, որ նախագծի ավարտը մեկ տարով երկարաձգվում է:
ԱՄԷ-ում գործառող «Ռասիա» ներդրումային ընկերության տեխնիկատնտեսական հիմնավորմամբ՝ Իրան-Հայաստան երկաթուղու կառուցման արժեքը կկազմի մոտ 3,5 մլրդ դոլար: Կառուցումը կտեւի 6 տարի, փոխհատուցելիության ժամկետը՝ 28 տարի, շահագործման ժամկետը՝ 50: Աշխատանքները կսկսվեն 2015թ. առաջին եռամսյակում: Ենթադրվում է, հայկական մասի ճանապարհի երկարությունը կկազմի 316 կմ:
