Հարվարդի համալրասարանի գիտնականները YouTube-ում տեղադրված հոլովակում ցուցադրել են փափուկ ռոբոտի հնարավորությունները: Տեսահոլովակը ակներեւաբար ցույց է տալիս՝ ինչպես է ռոբոտը ենթարկվում կրակի, ցրտի, եւ նույնիսկ ավտոմեքենայի անիվների փորձությանը: Նշվում է, որ առանց հիմնակմախքի ռոբոտը, գետնի վրա «քայլող» մնացած մոդելների համեմատությամբ, ունի «ռեկորդային»՝ 65 սմ երկարություն:
NewScientist պորտալը հաղորդում է, որ մեծացրած չափը թույլ է տալիս ռոբոտի մեջքին ամրացնել մարտկոց, որը վերջինիս սնուցում է երկու ժամից ոչ ավելի: Փորձարկումները ցույց են տվել, որ ռոբոտը կարող է տեղաշարժվել -9 աստիճան Ցելսիուսի դեպքում, հաղթահարել ձյունաթմբեր, 20 վայրկյանի ընթացքում դիմանալ կրակին եւ ավտոմեքենայի անիվներիի ճնշմանը:
