Կիրակի Մոսկվայում կյանքի 81-րդ տարում վախճանվել է ռուսական հայտնի դերասան, Ռուսաստանի ժողովրդական արտիստ Բորիս Խիմիչովը:
«Մահացել է Բորիս Խիմիչովը. հին դպրոցի հրաշալի դերասան, Պավել Մասսալսկիի աշակերտը», - «Ինտերֆաքս»-ի փոխանցմամբ՝ կիրակի այս մասին Live Journal-ի իր էջում գրել է Խիմիչովի ընկերը՝ Ստանիսլավ Սադալսկին:
Խիմիչովը ծնվել է 1933 թվականի հունվարի 12-ին, Ուկրաինայի Խմելնիցկի շրջանի Բալամուտովկա գյուղում: 1964 թվականին ավարտել է Մոսկվայի գեղարվեստական ակադեմիական թատրոնի ստուդիան: Տասնյակ դերեր է խաղացել կինոյում, հանդես է եկել թատերական բազմաթիվ ներկայացումներում: