Ուկրաինայի Գերագույն ռադան կարող է սեպտեմբերի 16-ին քննարկել երկրի արեւելյան մարզերի հատուկ կարգավիճակի մասին օրենքը:
Այս մասին հայտնում է «ՌԻԱ Նովոստին»՝ վկայակոչելով Ուկրաինայի նախագահի Դոնբասի խաղաղ կարգավորման հարցերով լիազոր նեկայացուցիչ Իրինա Գերաշչենկոյին
Ավելի վաղ նախագահ Պյոտր Պորոշենկոն հայտարարել էր, որ Դոնբասի շրջանների հատուկ կարգավիճակի մասին օրենքն առաջիկայում ներկայացվելու է Ռադայի քննարկմանը: Ըստ Պորոշենկոյի` օրենքը պետք է ապահովի այդ տարածքների խաղաղ վերադարձը Ուկրաինայի տիրապետության տակ:
«Դոնեցկի եւ Լուգանսկի մարզերի ժամանակավոր կարգով ժամանակավոր ինքնակառավարման վերաբերյալ օրենքը նախատեսում է այդ մարզերի հստակ կարգավիճակը` Ուկրաինայի կազմում: Այդ օրենքից է կախված խաղաղության ճակատագիրը, օրենքը կապահովի այդ մարզերի խաղաղ վերադարձը` Ուկրաինայի ինքնիշխանության ներքո», - պատմել է Պորոշենկոն: