Չուվաշիայում տարրական դասարանների ուսուցչուհու նկատմամբ քրեական գործ են հարուցել` աշակերտների հետ դաժան վարվելու կասկածանքով: 27-ամյա ուսուցչուհին բավականին դաժան միջոցներ է օգտագործել աշակերտներին դաստիարակելու համար՝ կիրառելով ֆիզիկական եւ հոգեբանական բռնություն:
Կարգը խախտելու համար ուսուցչուհին սքոչկպչուն ժապավենով փակել է աշակերտներից մեկի բերանը, իսկ մյուս չորս աշակերտների ճակատներին թանաքով 2 է նկարել, հայտնում է vesti.ru-ն` վակայակոչելով Չուվաշիայի ՌԴ ՔԿ-ն:
Իրավապահները պարզել են, որ ուսուցչուհին մի քանի տարի ծանակել է տարրական դասարանի աշակերտներին, սակայն աշակերտները վախեցել են այդ մասին պատմել ծնողներին: Երբ ուսուցչուհու անթույլատրելի մեթոդները հայտնի են դարձել ծնողներին, նրանք դիմել են իրավապահ մարմիններին: Ներկայումս պարզվում են տվյալ գործի բոլոր հանգամանքները:
