Կիեւում Գերագույն ռադայի մոտ հավաքված ամբոխը բռնել ու աղբատարի մեջ է նետել ժողովրդական պատգամավոր Վիտալի Ժուրավսկիին, հաղորդում է ՈՒՆԻԱՆ-ը:
Պարբերականի փոխանցմամբ՝ մարդիկ թույլ չեն տվել Ժուրավսկիին դուրս գալ բաքից եւ մեղադրել են, որ «նրա նմանների պատճառով զոհվում են իրենց եղբայրներն ու ընկերները»:
Նշվում է, որ ինքը՝ պատգամավորը, իրեն շատ հանգիստ է պահել եւ ձեռքից բաց չի թողել պայուսակը:
Ժուրավսկին հայտնի է որպես «Զրպարտության մասին» օրինագծի հեղինակ, որը մեծ աղմուկ էր հանել ուկրաինացի լրագրողների շրջանում: