Բոլիվիայի նախագահ Էվո Մորալեսը հայտարարել է, որ Միացյալ Նահանգները ցանկանում է վարկաբեկել վերջինիս՝ հերթական նախագահական ընտրություններին ընդառաջ: Հարավամերիկյան այս երկրում նախագահական ընտրությունները կացնակցվեն հոկտեմբերի 12-ին:
Սեպտեմբերի 16-ին, ելույթ ունենալով Տարիխ վարչատարածքում, նախագահն իր բողոքն է արտահայտել Վաշինգթոնի կողմից Բոլիվիային թմրավաճառքի դեմ պայքարի ոլորտում իրենց պարտավորությունները չկատարող երկրների շարքում ներառելու համար:
2008թ. Բոլիվիայի իշխանությունները երկրից դուրս են վռնդել ԱՄՆ-ի թմրանյութերի դեմ պայքարի վարչությանը եւ մինչ օրս ինքնուրույն հակաթմրանյութային գործունեություն են վարում՝ պնդելով, որ առանց ամերիկյան գործակալների օգնության նրան ավելի լավ արդյունքների կհասնեն, հաղորդում է «ԻՏԱՌ-ՏԱՍՍ»-ը:
Իր ելույթում Էվո Մորալեսը Վաշինգթոնին մեղադրել է, որ վերջինիս հավատարիմ չէ թմրանյութերի արտադրության եւ սպառման համար «պատասխանատվության բաշխման» սկզբունքին՝ մատնանշելով, որ այս տարի ԱՄՆ-ն Բոլիվիային «ոչ մի դոլար» չի առանձնացրել հակաթմրանյութային գործունեության կարիքների համար:
«Մենք չենք բողոքում: Օգտագործելով մեր ռեսուրսները՝ մենք արժանիերոն կդիմադրենք այս համաշխարհային չարիքին՝ շնորհիվ մեր հասարակական շարժումների մասնակցության»: