Ոստիկանության Երեւան քաղաքի վարչության ՊՊԾ գնդի 3-րդ հատուկ գումարտակի 2-րդ վաշտի 1-ին դասակի ծառայողները, սեպտեմբերի 14-ին, ժամը 03.40-ին, Երեւանի Մոսկովյան եւ Աբովյան փողոցների խաչմերուկից, գողություն կատարելու կասկածանքով, Մարաշի բաժանմունք են ներկայացրել 17-ամյա Հրաչյա Պ.-ին:
Ոստիկանության մամուլի ծառայությունից հայտնում են, որ պարզվել է, որ նա նույն օրը, ժամը 02.30-ին, իր ընկերներ ոմն Հայկի եւ Արտաշի հետ Նալբանդյան փողոցի թիվ 128 հասցեի հարեւանությամբ տեղադրված սուրճի պատրաստման սարքի դռները կոտրելով՝ գողացել են մետաղադրամներ:
Վնասի չափը պարզվում է:
***
Ոստիկանության Կենտրոնականի բաժնի եւ Մարաշի բաժանմունքի ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ Հրաչյա Պ.-ն սեպտեմբերի 2-ին, ժամը 08.00-ին, իր ընկեր ոմն Արտաշի հետ Մ. Խորենացու փողոցի թիվ 27 շենքի դիմացի բակից գողացել են նույն շենքի բնակիչներ՝ 42-ամյա Արուսյակ Ա.-ին եւ 20-ամյա Սոնա Ս.-ին պատկանող «Ռամբո» ֆիրմայի հեծանիվները` պատճառելով 55.000 եւ 60.000 դրամի վնաս:
***
Ոստիկանության Մարաշի բաժանմունքի եւ Կոտայքի բաժնի ծառայողների ձեռնարկած միջոցառումների շնորհիվ պարզվել է, որ Արտաշը 19-ամյա Արտաշես Ա.-ն է, որը սեպտեմբերի 15-ին, ժամը 14.00-ին, բերման է ենթարկվել Մարաշի բաժանմունք:
Ձեռնարկվում են միջոցառումներ ո Հայկի անձը պարզելու եւ նրան հայտնաբերելու ուղղությամբ:
Կատարվում է նախաքննություն: