ՆԱՏՕ-ն իր անդամ-երկրներին արտաքին քաղաքականության առաջնահերթություններ չի թելադրում: Այդ մասին այսօր՝ սեպտեմբերի 17-ին, «ՆԱՏՕ-ի գագաթնաժողովի ազդեցությունը Հայաստանի եւ Հարավային Կովկասի վրա» թեմայի շուրջ քննարկումների ժամանակ հայտարարեց հարավային Կովկասում ՆԱՏՕ-ի գրասենյակի ղեկավար, դեսպան Ուիլյամ Լահյուն՝ պատասխանելով Դաշինքի անդամ-երկիր Թուրքիայի եւ Հայաստանի միջեւ առկա փակ սահմանների հարցին:
Ուիլյամ Լահյուի խոսքով՝ ՆԱՏՕ-ի յուրաքանչյուր անդամ-երկիր ինքնիշխան պետություն է: «Համապատասխանաբար, սահմանների հարցը վերաբերում է անհատական երկրների արտաքին քաղաքականությանը: Թուրքիայի սահմանների հարցը միայն Թուրքիայի գործն է. նա պետք է ինքնուրույն լուծի այդ հարցը», - նշեց Լահյուն:
