Արփա գետում հայտնաբերված 29-ամյա Ն. Հ.-ն հրշեջ-փրկարար է, աշխատում էր Եղեգնաձորի հրշեջ-փրկարարական ջոկատում: Այս մասին NEWS.am-ի թղթակցին հայտնեցին Հրշեջ-փրկարար ծառայության Վայոց ձորի բաժնից:
Նրանց փոխանցմամբ՝ Ն. Հ.-ն ամուսնացած է, ունի 1 տարեկան տղա: Ըստ շրջանառվող տեղեկությունների՝ նա գնացել է ձուկ որսալու, իսկ թե ինչ հանգամանքներում է հայտնվել գետում, հայտնի չէ: Դա կպարզի քննությունը, դեպքի առթիվ այժմ նյութեր են նախապատրաստվում:
Հիշեցնենք, որ փրկարար ծառայությունը սեպտեմբերի 17-ին, ժամը 21.24-ին ահազանգ է ստացվլ, որ Մ-2 ավտոճանապարհի 112-րդ կմ-ում՝ Արենի-Արփի գյուղերի մոտակայքում, հայտնաբերվել է կայանված ավտոմեքենա, որի վարորդը բացակայում է. անհրաժեշտ է փրկարարների օգնությունը: Դեպքի վայր է մեկնել ՄՃԿԿ օպերատիվ խումբը: Հրշեջ-փրկարարներն Արփա գետում հայտնաբերել են 1985 թ. ծնված Ն. Հ.-ի դին: