«Գլաս Ուորլդ Քամփնի» ապակետարայի արտադրական ձեռնարկությունը եւս 100 աշխատատեղ կբացի: Այդ մասին է այսօր՝ սեպտեմբերի 18-ին, կառավարության նիստին հայտարարեց էկոնոմիկայի նախարար Կարեն Ճշմարիտյանը: Նրա խոսքով՝ այդ նպատակով գործարանի ընդլայնման համար սարքավորումների 1 մլրդ 683 մլն դրամ կազմող ներմուծումը 3 տարի ժամկետով կազատվի ԱԱՀ-ից: Ներդրումների ընդհանուր ծավալը կկազմի մոտ 1,74 մլրդ դրամ (4,3 մլն դոլար):
Ծրագրի շրջանակներում ծրագրվում է 200 հազար դրամ միջին աշխատավարձով մոտ 100 աշխատատեղ բացել, ընդ որում՝ ոչ մայրաքաղաքում (Կոտայքի մարզի Արզնի գյուղ):
Արտադրանքի մոտ կեսը նախատեսվում է արտահանել ԱՄՆ, Բելառուս եւ Վրաստան: