Հայաստանն Ուկրաինայում ընթացող զորավարժություններին չի մասնակցում, որովհետեւ հրավեր չի եղել։ Այս մասին այսօր՝ սեպտեմբերի 18-ին, լրագրողների հետ զրույցում ասաց պաշտպանության նախարար Սեյրան Օհանյանը։
«Ուկրաինայում ընթացող զորավարժությունների նախապատրաստական փուլի բոլոր խորհրդակցություններին Հայաստանը մասնակցել է, պարզապես հրավեր չի եղել ուկրաինական կողմից զորավարժություններին մասնակցելու»,- ասաց նախարարը։
Նշենք, որ սեպտեմբերի 15-ից Ուկրաինայի արեւմուտքում մեկնարկել են զորավարժություններ, որոնց մասնակցում են 15 երկրների զինծառայողներ։ Զորավարժություններին մասնակցող մոտ 1300 զինվորականներից 200-ը ԱՄՆ-ից են: