Եմենի վարչապետ Մուհամադ Սալեմ Բասինդվան հայտարարել է իր հրաժարականի մասին երկրի մայրաքաղաքում տեղի ունեցող անկարգությունների ֆոնի վրա, կիրակի հաղորդել է «Agence France Presse»-ը:
Ինչպես հայտարարել է վարչապետը, իր հրաժարականը կապված է երկրի նախագահ Աբդա Ռաբա Մանսուր Հադիի կառավարման «դիկտատորական» ոճի հետ, հաղորդում է «ՌԻԱ Նովոստին»:
Օգոստոսի կեսից Եմենում տեղի են ունենում շիաների բողոքի ցույցեր, ովքեր պահանջում են կառավարության հրաժարականըԼ Գործակալության տվյալներով՝ կիրակի շիաները զավթել են կառավարության եւ պետական ռադիոկայանի շենքերը: