Հայաստանի ԱԻՆ-ում, սեպտեմբերի 22-ին, ժամը 23.20-ին ահազանգ է ստացվել, որ Երեւանի Վաղարշյան եւ Սունդուկյան փողոցների խաչմերուկում տեղի է ունեցել ավտովթար, կան տուժածներ. անհրաժեշտ է փրկարարների օգնությունը:
Հայաստանի ԱԻՆ փրկարար ծառայությունից հայտնում են, որ դեպքի վայր են մեկնել մեկ մարտական հաշվարկ, ՀՆՓԱԻԿ ՓՋ-ն եւ ՃԿԿ օպերատիվ խումբը:
Դեռեւս չբացահայտված հանգամանքներում բախվել են «Մերսեդես» մակնիշի 01 OD 909 համարանիշի (վարորդ 25-ամյա Վ. Մ.) եւ «Ֆոլքսվագեն Գոլֆ» մակնիշի 80 ՕՕ 909 համարանիշի ավտոմեքենաները, ինչից, «Ֆոլքսվագեն գոլֆ» մակնիշի ավտոմեքենայի վարորդ 25-ամյա Ա. Ռ.-ն, ուղեւորներ 21-ամյա Մ. Կ.-ն եւ 21-ամյա Հ.Թ.-ն տարբեր մարմնական վնասվածքներով տեղափոխվել են «Արմենիա» ՀԲԿ: «Մերսեդես» մակնիշի ավտոմեքենայի վարորդ Վ.Մ.-ն տեղում ստացել է անհրաժեշտ բուժօգնություն եւ հրաժարվել հոսպիտալացումից, Ա.Թ.-ն հիվանդանոցում ստանալով համապատասխան բուժօգնություն դուրս է գրվել, իսկ Ա. Ռ.-ի եւ Մ.Կ.-ի առողջական վիճակները բժիշկները գնահատել են միջին ծանրության:
