Դոնեցկում եւ Լուգանսկում տեղական ընտրությունները պետք է զերծ պահեն Ուկրաինային սառեցված հակամարտության նոր գոտու առաջացումից: Նման հայտարարությամբ հանդես է եկել Ուկրաինայի արտգործնախարար Պավել Կլիմկինը: Նա հստակեցրել է, որ այս շրջաններում պետք է ընտրվեն ոչ թե Ռուսաստանի քաղաքացիները այլ ուկրաինական անձնագիր ունեցող թեկնածուները:
«Ուկրինֆորմի» թղթակիցը, մեջբերելով Ուկրաինայի արտգործնախարարի խոսքերը, նշում է, որ ապակենտրոնացումը նախագահի խաղաղ պլանի մի մասն է, ելակետային քաղաքական հիմքը. «Մենք պատրաստ ենք Դոնեցկի եւ Լուգանսկի մարզերի ժողովրդին ավելի շատ ազատություններ տալ, սակայն միեւնույն ժամանակ դա նշանակում է նաեւ պատասխանատվություն տնտեսական առումով», - ընդգծել է Կլիմկինը: Նա հստակեցրել է, որ տեղական ընտրությունները կօգնեն բացառել երկու շրջանների տարածքում «սառեցված հակամարտության նոր հակասությունները»:
