Երեւանում տեղի կունենա «Up» երիտասարդական թատրոնի ռեժիսորի Սամսոն Մովսեսյանի կողմից բեմադրված «Քիթը» ներկայացումը:
Նիկոլայ Վասիլիեւիչ Գոգոլի «Քիթը» պատմվածքի մոտիվներով բեմադրված ներկայացումը կցուցադրվի սեպտեմբերի 24-ին՝ 19:00-ին Հայաստանի թատերական գործիչների միությունում:
Մայոր Կովալյովի պատմությունը բացահայտում են երեք ուսանուհի-դերասաններ Սոնա Մաթեւոսյանը, Անաիս Սարդարյանը եւ Սյուզաննա Հովհաննիսյանը:
Ներկայացումը շատ մրցանակներ ունի, այդ թվում՝ «Արտավազդ 2012» Ազգային թատերական մրցանակաբաշխության լավագույն ռեժիսոր անվանակարգում:
Հայաստանի թատերական գործիչների միությունը գտնվում է Մաշտոցի պողոտայում: Մուտքն ազատ է:
