Հնդիկ Պադմինի Պրակաշը դարձել է առաջին տրանսսեքսուալ լուրերի հաղորդավարն այն բանից հետո, երբ Հնդկաստանի Գերագույն դատարանը տրանսգենդերներին ճանաչել է որպես երրորդ սեռ: 31-ամյա կին-տրանսսեքսուալ Պադմինի Պրակաշն ընտանիքից հեռացել է 15 տարեկանում՝ հնդկական հեռուստաալիքում լուրեր վարելու համար:
Նախկին դերասան եւ հասարակական գործիչ Պրակաշն առաջին անգամ եթեր է դուրս եկել մեկ ամիս առաջ: Ըստ The telegraph-ի, «Լոտուս» հեռուստաալիքում նրա աշխատանքը զգալի առաջընթաց է տրանսգենդերային մարդկանց համար, ովքեր երկրի քաղաքներում եւ գյուղերում մուրացկանությամբ են զբաղվում:
Հնդկաստանում տրանսգերդեր են համարվում այն տղամարդիկ, ովքեր ծնվել են ձեւախեղված սեռական օրգաններով: Նրանց սովորաբար անվանում են «հիջրա» եւ ներքինի, եւ հաճախ մերժվում են սեփական ընտանիքների կողմից եւ ապրելու գումար վաստակում մուրացկանությամբ:
Պադմինի Պրակաշն ընտանիքից հեռացել է այն բանից հետո, երբ հայտարարել է, որ տրանսսեքսուալ է: Նա դերասան է եղել, պարուհի, ինչպես նաեւ պայքարել է Հնդկաստանում երրորդ սեռի մարդկանց հանդեպ խտրականության դեմ:
Times of India-ին տված հարցազրույցում նա ասել է, որ շփոթված էր իր նոր դերի պատճառով եւ ձգտում էր կապ հաստատել հեռուստադիտողների հետ: «Լսարանի արձագանքն այնքան դրական էր, որ «Լոտուս» հեռուստաալիքը ծրագրում է ավելի մեծ թվով տրանսգենդեր աշխատակիցներ ունենալ»,- հավելել է նա:
