Հինգերորդ ամենամյա «Երկրները մեկ հարկի տակ»  փառատոնի եւ գործարար–համաժողովի շրջանակում Beeline-ն արժանացավ «Կապի ոլորտի առաջատար» եւ «Օտարերկրյա լավագույն ներդրող» անվանակարգերին։

Ամենամյա փառատոնն անց է կացվում «Ջի ԷՄ Ջի Մեդիա գրուպ»–ի կողմից՝ ՀՀ Էկոնոմիկայի եւ ՀՀ արտաքին գործերի նախարարության աջակցությամբ։ Միջոցառման նպատակն է հայ եւ օտարերկրյա գործարարների միջեւ գործարար կապերի ստեղծումը եւ զարգացումը։ Այս տարի փառատոնին մասնակցել են ավելի քան 30 երկիր, ի դեմս 90 կազմակերպության։ Անվանակարգերը հատկացվում են սոցիալական հարցումների եւ հանձնաժողովի քվերակության արդյունքում։ Հանձնաժողովում ընդգրկված են ներկայացուցիչներ՝ ՀՀ Էկոնոմիկայի եւ Արտաքին գործերի նախարարություններից, Երեւանի քաղաքապետարանից, Միջազգային գործարար կապերի միությունից եւ Արդյունաբերության զարգացման հիմնադրամից։

«Առաջին հերթին կցանկանայի շնորհակալություն հայտնել համաժողովի կազմակերպիչներին Beeline-ի աշխատանքներին բարձր գնահատական տալու, ինչպես նաեւ հայ եւ օտարերկրյա ընկերությունների միջեւ գործարար կապերի զարգացման գործընթացին աջակցելու համար։ Հանդիսանալով աշխարհի խոշորագույն կապի օպերատորներից մեկի ներկայացուցիչը, որն աշխատում է 16 երկրում, մենք գիտակցում ենք գործնական երկխոսության կարեւորությունը, որը թույլ է տալիս ներդնել եւ օգտագործել լավագույն փորձը ի բարօրություն հաճախորդի, բաժանորդի եւ գնորդի։ Կցանականայի նշել, որ առաջատար լինելը շատ պատվաբեր է, միաժամանակ խիստ պարտավորեցնող, քանի որ մենք պետք է շարունակենք անել առավելագույնը  այս կոչումն արդարացնելու համար»,- նշեց Հայաստանում Beeline-ի Գլխավոր Տնօրեն Անդրեյ Պյատախինը:  

Միջազգային գործարար կապերի խորհրդի նախագահ Մարիամ Մանուկյանը պարգեւատրման հանդիսավոր արարողության ժամանակ նշեց, որ հարցվողներից շատերը իրենց ձայներն են  տվել ի օգուտ Beeline-ի, կապի ոլորտի զարգացման ենթակառուցվածքներում երկարատեւ ներդրումների եւ նախաձեռնությունների համար, ինչպես նաեւ ոլորտի միջազգային գործարար կապերի զարգացման մեջ անգնհատելի ներդրման համար։ 

Նշենք, որ համաժողովի փակման եւ պարգեւատրման հանդիսավոր արարողությունը տեղի ունեցավ 2014թ–ի սեպտեմբերի 22-ին Երեւանում «Անի Պլազա» հյուրանոցային համալիրում։