Սուպերքարերի իտալական արտադրող Ferrari-ն հետ է կանչում 458 Italia եւ Spider մոդելների 3 հազար մեքենա, հաղորդում է carscoops.com պորտալը: Սպասարկման արշավը կվերաբերի միայն այն մեքենաներին, որոնք վաճառվել են ԱՄՆ-ում:
Հետկանչի պատճառը այդ մոդելների մեքենաների բեռնախցիկի կափարիչի կառուցվածքի յուրահատկությունն է, պարզվել է, որ այն չի կարելի բացել ներսից, հաղորդում է Gazeta.ru-ն:
ԱՄՆ ճանապարհային երթեւեկության անվտանգության ազգային վարչությունը (NHTSA) եզրակացրել է, որ մեքենայի բեռնախցիկում փակված մարդը չի կարող դուրս գալ այնտեղից առանց կողմնակի օգնության: NHTSA-ի փորձագետները համարում են, որ նման յուրահատկությունը կարող է հանգեցնել վնասվածքների, անգամ մահվան: