Եվրամիությունը դեռ չպետք է չեղյալ համարի Ռուսաստանի դեմ պատժամիջոցները, որոնք սահմանել էին Ուկրաինայում ստեղծված իրավիճակի պատճառով: Այդ մասին սեպտեմբերի 29-ին Ֆինլանդիայի վարչապետ Ալեքսանդր Սթուբի հետ համատեղ մամուլի ասուլիսի ընթացքում հայտարարել Գերմանիայի կանցլեր Անգելա Մերկելը, հաղորդում է «Ինտերֆաքսը»:
Ցավոք, նրա խոսքով, դեռ հեռու է Ռուսաստանի նկատմամբ սահմանափակումների վերացումը: «Ուկրաինայում ստեղծված իրավիճակը հեռու է բավարարող լինելուց: Երկրի արեւելքում չկա ռուս-ուկրաինական սահմանի պաշտպանություն, չկա բուֆերային գոտիների վերահսկողություն»,- նշել է Գերմանիայի կանցլերը: Մերկելը նաեւ հավելել է, որ ԵՄ-ն «հիանալի միասնություն է դրսեւորել» ուկրաինական ճգնաժամի հարցում: Արեւմուտքը, միաժամանակ ընդգծել է նա, պետք է պատրաստ լինի, որ ուկրաինական ճգնաժամը երկար է տեւելու: