Ինքնասիրություն ունեցող ոչ մի ազգ ուրիշի սրբությունը` քրիստոնեական եկեղեցին, չէր դարձնի մզկիթ: Այսօր` սեպտեմբերի 30-ին, լրագրողների հետ զրույցում այսպիսի կարծիք հայտնեց Ազգային ժողովի ԲՀԿ-ական պատգամավոր Արագած Ախոյանը` պատասխանելով NEWS.am-ի հարցին` արդյոք հնարավոր է` մի օր մզկիթներ դարձրած եկեղեցիները վերադարձվեն հայերին:
«Լուրջ խնդիր է սա, որովհետեւ եկեղեցին այսօր Պոլսո պատրիարքարանին է պատկանում, իրենք են պատասխանատու, սակայն ես հույս ունեմ, որ հայկական ինքնության դաշտը մեծանա, իսկ ժողովուրդն ինքը կպահպանի իր եկեղեցին: Իսկ ընդհանուր առմամբ, ցինիկ քաղաքականության մասին է խոսքը. ինքնասիրություն ունեցող ազգը չի կարող մեկի սրբությունը վերցնել եւ սարքել մզկիթ»,- ասաց ԲՀԿ-ական պատգամավորը, որը մի քանի առաջ է վերադարձել Արեւմտյան Հայաստանից, որտեղ հանդիպումներ էր ունեցել Մուշի հայկական համայնքի, Վանի, Տիգրանակերտի եւ Դիարբեքիրի քաղաքապետներին: